تغيير عنوان الماك ادرس للكمبيوتر MAC Address
يلا نتعرف سوا هو اية عنوان الماك أدرس mac address في الكمبيوتر وازاى كمان تغيير ال mac فى الكمبيوتر بتاعنا علشان نقدر اننا نتخطى حاجات معينة هنعرفها في الفيديو اللى موجود فى اسفل المقال. الاول كدا ياأصدقائى الماك ادريس هو اختصار ل MAC (media access control) وهو مكون من 12 خانة. وهنعرف طريقة تغيير ال mac عن طريق برنامج TMAC .
شرح تغيير عنوان ماك ادريس للكمبيوتر عن طريق TMAC
ما هو الماك ادرس للكمبيوتر
الماك أدرس mac بكل بساطة هو شبية بالـ IP الخاص بيك وهو مسؤل عن تعريف الراوتر ان جهازك سواء كان الكمبيوتر او الموبايل هو اللى متصل عليه مش جهاز غريب. على سبيل المثال عند تفعيل القائمة البيضاء فى الراوتر انت بتضيف الماك أدرس الخاص بكل جهاز عندك فى البيت من موبايل او لاب توب او حتى شاشة التلفزيون. والراوتر بيتعرف على الاشياء دى مش عن طريق اسمها لا. عن طريق كود الماك ادريس الخاص بيها المكون من 12 خانة.
استخدامات الماك ادريس MAC Address
بيستخدم الماك ادريس mac فى حاجات كتيره جداً منها وهذكرلكم اهم الحاجات دى:
- يستخدم فى الفلترة زى ماقولتلك فى البداية لعمل فلترة الاجهزة بالنسبة للراوتر.
- يستخدم فى تعريف الاجهزة على بعضها البعض.
- يستخدم لمعرفة اسم الجهاز المرتبط عن طريق موقع MAC Info .
- يتم استخدامه لعملية المصادقة مع أجهزة الراوتر والانترنت المختلفة.
- تقدر كمان تتعقب اى جهاز عن طريق الماك أدريس في حالة اتصاله بالإنترنت.
كيفية تغيير الماك ادرس MAC Address Change
يمكن تغيير الماك أدرس بعدة طرق مختلفة منها عن طريق استخدام برامج وتسمى برامج الطرف الثالث وتوجد طريقة اخرى وهى بدون برامج نهائياً وسهلة جداً وبتكون عن طريق الويندوز نفسة. وهتكلم عن طريقة تغيير عنوان الادرس بدون برامج في الفقرة دى:
- هتروح على This PC او My Computer وتضفط كلك يمين.
- وتختار منها إدارة او Manage .
- وتختار منها ادارة الاجهزة Device Manager .
- وتروح عند Network Adapters وتضغط على السهم جنبها.
- وتختار محول الشبكة اللى محتاج تغير الماك ادرس mac address change الخاص بيه.
- وتدوس عليه كلك يمين وتختار خصائص Properties .
- وتروح قائمة Advanced او متقدم.
- وتختار منها Network Address وهتلقى مربع ظهرلك اكتب فيه ال عنوان الـ MAC اللى انت محتاج تغيره للكمبيوتر.
- واضغط على OK .
طريقة تغيير الماك ادرس للكمبيوتر عن طريق TMAC
هنعرف مع بعض ازاى نعمل تغيير عنوان الادرس الخاص بـ الكمبيوتر عن طريق برنامج TMAC القوي جداً. البرنامج صغير الحجم ومعروف جداً تابع معايا خطوات تغيير عنوان mac address. بعد تنزيل الـ برنامج من الرابط الموجود فى اسفل المقال وتثبيت البرنامج بطريقة سهلة وطريقة التثبيت هتلاقيها موجودة فى الفيديو:
- هتفتح البرنامج وهتلقى قدامك كل تابات الانترنت الموجودة عندك.
- هتشيل العلامة عن التابات اللى انت مش محتاج يتم تغيير الماك أدرس ليها.
- وهتيجي من تحت وتضغط على Random Mac Address .
- وهيظهرلك اكتر من ماك ادرس مع كل مرة تضغط هتختار اللى انت محتاجه.
- او ممكن تكتب بنفسك عنوان الماك ادرس اللى محتاج تغيير للكمبيوتر بتاعك.
- وبعدين هتضغط على زرار تغيير الان او Change now الموجود فى نهاية الاداة من الاسفل.
تحميل اداة TMAC لـ تغيير عنوان الادريس
طريقة التحميل من الموقع الخاص بنا اذا كنت لاتعلم كيفية التحميل